ATEMIRDAS - AПА

Түн ичи караңгыда
Уктабай ойго жатам
Канткенде актаймын деп
Ак сүтүн алтын апам
Өзүнөн мени сүйгөн
Өмүрдө жалгыз адам
Кучагын дайым ачат
Болсо да далай катам

Көтөрүп чуркасам да
Ак сүтүн актайм апам
Жүрөктө тилегимди
Барака жазып атам
Ал күндөр алыс эмес
Аз гана калды кадам
Муктажмын бир Аллага
Сураймын күндө жардам

Билемин ойлоносуз
Ар кайсы келип башка
Өмүргө бөлүп койгон
Ойлорду ар бир жашка
Түндөсү мени баккан
Карабай уйку кашка
Кезекти мен алайын
Күн-түнү кыймылдашка

Билемин бала кезде
Таптаган түнү бою
Өзү араң жүрсө дагы
Менде го эне ою
Сиз берген сүйүүнүздү
Апаке айлталамын
Мээримге бөлөп койгон
Апакем кайтарамын

Эгер билсең апам берген
Ак сүйүлөр жүрөктө
Жылытат го мээримиңиз
Мүнөт сайын мүнөткө
Сагында карап турам
Камчыгымда сүрөткө
Сүрөтүңүз капчыгымда
А сиз апа жүрөктө

Элестерим эске салды
Жүргөн кезди жетелеп
Ал элестер апа менден
Азыр деле кете элек
Азыр балаң чоңойгон
Жүрбөйт эми көчөлөп
Кыйынчылык каптаса да
Шүгүр кылып көтөрөт

Дүйнө сага каршы чыксын
Апа сени таштабайт
Жаңы өмүр башталса да
Апа сен жок баштабайт
Апакемдин жагат мага
Жылмайып ай күлгөнү
Мен ааламга келгенмин
Апакем деп жүргөнү

Эгер билсең апам берген
Ак сүйүлөр жүрөктө
Жылытат го мээримиңиз
Мүнөт сайын мүнөткө
Сагында карап турам
Камчыгымда сүрөткө
Сүрөтүңүз капчыгымда
А сиз апа жүрөктө