Talıb Tale - Başqadı

Sənlə hər şey başqadı
Hər an eşqə,aşqadı
Lap ürəkdən könüldən
Nə ağıl nə başladı

Kim anladar eşqini
Bizdə gözlə,qaşladı
Dəstini hər jestini
Qəlbim elə xoşladı

Vaxt gəlirki,gün gəlir
Ürəklər düzgün gəlir
Səmimi sevgin ilə
Ruhun qəlbin dincəlir

Ayrı qalmaq aralı
Qeyri mümkün gəlir
Kövrək olur hisslərin
İncələrdən incəlir

Nə varsa aramızda
Çox tarazı,dəngədi
Xoşdu hər halımızda
Kövrək həm əyləncədi

Nə gözəl sənli həyat
Könlüm ürəyimcədi
Söylə görüm sevgilim
Səninçün bəs necədi

Gecəm ay ulduzludu
İstəkanım buzludu
Nə xoşdur söhbətimiz
Dadlı dadlı duzludu

Yarım ala gözlüdü
Nurlu mələk üzlüdü
Necə deyim anladım
Qəlbim elə sözlüdü